合作客戶/課程教學 9 | alis-aromatherapy

舒緩痛症工作坊

原來香港人真係好多痛症問題，大家可以試下摸下自己膊頭做測試，按落去有一粒一粒既野，原來係我地身上既肌肉打結，形成一個小結，如果唔理佢，積埋積埋變成一個大結，咁肌肉就會變硬，郁唔倒，成個部位梗左。原來用合適既香薰精油加上按摩，可以放鬆繃緊既肌肉。

【急救止痛香薰】

-薄荷 /檸檬草 / 樺樹/ 杜松果 / 絲柏 (日間使用)

-薰衣草/馬可蘭 (晚間使用)

【治療根本】

岩玫瑰/永久花/百里香/德國甘菊

合作客戶/課程教學

美白防曬DIY全攻略

多謝大家既支持，【美白防曬DIY工作坊】三度加開。

上星期新開既一班又完滿結束，完成課堂後，大家開開心心拎到自己既產品返屋企。希望大家喺夏天好好保護自己既肌膚，保持又嫩又白既肌膚。

【製作產品】

1. 美白清爽潔面泡泡

2. 天然亮白磨砂粉

3. 美白保濕水

4. B3日間收毛孔精華

5. 維他命C夜間美白精華

6. 薏仁美白防曬乳液

L'OREAL HK X Ali's Aromatherapy Roadwhow

終於完成左一連兩日喺L'OREAL HK 既Roadshow，多謝每一位到我地COUNTER 既L'OREAL HK 員工！

當日人頭湧湧，大家對我地既香薰同產品都好有興趣，對於成日開OT既員工，香薰同香薰噴霧機最受大家既歡迎，可以為大家減壓同放鬆繃緊既神經。

當日最受大家歡迎既係佛手柑 (Bergamot)、檸檬香桃木 (Lemon Myrtle)。

希望不久既將來再舉辦一次！

HKTDC X Ali's Aromatherapy DIY護膚品工作坊

今次為HKTDC員工舉辦【DIY護膚品工作坊】，大家都未試過DIY護膚品，所以上堂時大家都好躍躍，特別係對香薰既香味同功效好有興趣，當大家睇住自己既製成品既時候都好滿足，期待下次再同HKTDC合作！

Crabtree & Evelyn X Ali's Aromatherapy DIY香薰香水製作坊

非常多謝Crabtree & Evelyn既邀請，為她們的VIP舉辦了一個Therapy Roll On DIY工作坊。
大多女性喜愛早上用香水，原來以純正有機天然香薰精油都可以調配成一支晚上都用得既香水。

今次ALICE老師就即席教大家用嗅覺感受，選擇最喜歡既味道，為自己調配一支獨一無二、又具備治療功效Therapy Roll On。

香水香膏DIY工作坊

上星期既【香水香膏DIY工作坊】已完滿結束，多謝各位既參加。同學們都好雀躍，心大心細唔知選擇邊款香味，左溝右溝，終於調配一支獨一無二既香水同香膏。香水可以晚上用，香膏就可以朝日用，而且配埋老師為大家預備既頸鏈內，高貴優雅，易於攜帶。

瘦面通淋巴按摩DIY工作坊

多謝大家勇躍支持及參予，大家出去做FACIAL比人按得多，但係其實按得啱唔啱?MISS ALICE今堂教大家邊D係淋巴位、用咩力度同手法可以正確通淋巴。其實好簡單，如果各位OL無時間，其實可以買香薰油同植物油，自己DIY一支，保濕又得、FIRMING又得、抗敏又得、美白又得，完全可以根據自己需要，MIX & MATCH出最合適自己既按摩油，每日5-10分鐘，排毒、通淋巴、去水腫、重拾V SHAPE面話咁易！

春季護膚品DIY工作坊

上星期一連兩日既【春季護膚品DIY工作坊】完滿結束，多謝咁多位參加既朋友！

當日有好多未玩過DIY既朋友仔參加，大家都覺得自己親手DIY好得意、好有滿足感！特別係整面霜同面膜時，睇住由液體、加D材料、搞兩搞慢慢變成奶白色既CREAM狀，好多同學都覺得好得意，估唔到平時自己日用夜用既CREAM原來係咁樣整，而且仲好簡單！其實同學仔返屋企後，可以跟MISS ALICE既配方，再加自己鐘意既成份，DIY一個最合適自己既護膚品。

希望大家喺呢個WORKSHOP學到點樣DIY之外，同體驗當中DIY護膚品既樂趣，與其喺坊間購買由咁多化學成份組成既護膚品，自己親手DIY就用得放心、安心！